Mayın 27-də Azərbaycan Avrointeqrasiya Milli İctimai Komitəsinin (AAMİK) növbəti Ümumi Yığıncağı keçirilmişdir.

Gündəlikdə olan əsas məsələlərdən biri AAMİK sıraılarına yeni üzvlərin qəbulu idi. Qeyd etmək lazımdır ki, səsvermədən öncə AAMİK-in 57 üzvü var idi. Səsvermə nəticəsində 9 namizəddən dördü – Azər Mehdiyev, Elxan Şahinoğlu, Cahangir Səlimxanov və Təbib Hüseynov komitəyə üzv seçildilər.

Gündəlikdə olan digər məsəslə- AAMİK-in Fəaliyyət (Tədbirlər)Planının təsdiqi idi. Fəaliyyət Planı yaxın 4 ayda komitənın keçirəcəyi tədbirləri nəzərdə tuturdu. Fəaliyyət Planında əks olunmuş tədbirlər komitənin üzvləri tərəfindən təklif olunmuşdur. Onların arasında “ÜTT və Azərbaycan”, “Srebreniza -15 il: Soyqırımın anatomiyası”, “Avro yanacaq standardlarına keçid:mərhələlər və gözləntilər” və  digər aktual mövzular öz əksini tapmışdir.

Ümumi Yığıncaqda sədarətə tapşırılmışdır ki, növbəti iclasa qədə komitənin strukturuna dair təkliflər paketini hazırlasın və komitə üzvlərinə teqdim edilsin.

Xatırladaq ki, hal hazırda komitəyə Fəaliyyətda olan sədr Vahid Qazi və həmsədrlər Səidə Qocamanlı və Ülvi İsmayıl rəhbərlik edirlər.