“Alternativ və Bərpa olunan enerji mənbələrindən istifadə, enerji səmərəliliyi məsələləri üzrə Vətəndaş Cəmiyyətinin Mövqeyi” mövzusunda 

K  O  N  F  R  A  N  S   

14 sentyabr 2010-cu il tarixdə saat 10.00-dan 13.00-dək Ekoleks Ekoloji Hüquq Mərkəzi tərəfindən Bakı şəhəri, C.Cabbarlı 44 ünvanında yerləşən Caspian Plaza otelinin konfrans zalında “Alternativ və Bərpa olunan enerji mənbələrindən istifadə, enerji səmərəliliyi məsələləri üzrə Vətəndaş Cəmiyyətinin Mövqeyi” adlı konfrans keçiriləcəkdir. Konfrans Azərbaycan Avrointeqrasiya Milli İctimai Komitəsi və Avropa Şərq Tərəfdaşlığı Proqramı üzrə Azərbaycan Milli Platformasının tərəfdaşlığı ilə baş tutacaqdır.

Konfransda Bərpa olunan enerjidən istifadə və enerji səmərəliliyi Azərbaycanın enerji təhlükəsizliyinin təmin edilməsi, Bərpa olunan enerjidən istifadə və enerji səmərəliliyinə nail olunması uçun zəruri iqtisadi və hüquqi alətlər, Alternativ və Bərpa olunan enerjidən istifadə, Enerji səmərəliliyinin həyata keçirilməsində orta və xırda sahibkarlığın iştirakı, Alternativ və Bərpa olunan enerjidən istifadə, Enerji səmərəliliyinə nail olunmasında VCT-nin rolu mövzularında məruzələr dinləniləcək, Alternativ və Bərpa olunan enerji mənbələrindən istifadə, Enerji Səmərəliliyi məsələlərində Vətəndaş Cəmiyyətinin iştirakı formaları müzakirə ediləcək, Vətəndaş Cəmiyyətinin Mövqe Sənədi təqdim ediləcəkdir.

Konfransda Avropa İttifaqının, ATƏT-in, xarici ölkələrin diplomatik nümayəndələrinin, Beynəlxalq təşkilatların, Beynəlxalq maliyyə qurumlarının, Ekologiya və Təbii Sərvətlər, Fövqəladə Hallar nazirliklərinin, ARDNŞ və BP nümayəndələrinin, QHT-in, KİV-in iştirakı nəzərdə tutulur.

Konfransda iştirak etmək istəyənlər üçün Ekoleks ekoloji hüquq mərkəzinin direktoru Sevil İsayevaya (tel: 418 53 89, 055 665 21 00, e-mail: office@ecolex-az.org) və ya AAMİK əlaqələndiricisi İlqar Həsənliyə (tel: 5643465+207, 050 573 83 43 e-mail: ilgar.hasanli@yahoo.de) müraciət edə bilərlər.

Ətraflı məlumat üçün: www.renewable-az.org və www.aamik.az